Share On

సేవ చేయాల‌నే ఆలోచ‌న మ‌నిషి మ‌న‌సులో ఉండాలి.. మ‌న‌స్పూర్తిగా చేసే సేవ‌లోనే ఎంతో ఆత్మ‌తృప్తి ఉంటుంద‌ని, అలాంటి వారు చాలా అరుదుగా ఉంటారు. ప్ర‌ముఖ న‌టుడు సోనూసూద్ లాక్‌డౌన్ స‌మ‌యంలో ఎంతోమందికి స‌హాయం చేసి మాన‌వ‌త్వాన్ని చాటుకున్నాడు. తన సేవను అక్కడితో ఆపకుండా పేద పిల్లలకు గుండె శస్త్ర చికిత్సలు చేయిస్తున్నారు. ఆపదలో ఉన్నాం ఆదుకోండి అని వేడుకుంటోన్న ప్రతి ఒక్కరికీ సాయం చేస్తున్నారు. అందుకే వారంతా సోనూ సూద్‌ను మనిషి రూపంలో ఉన్న దేవుడు అంటున్నారు. మహానుభావుడు అని పిలుస్తున్నారు. తాను మహానుభావుడిని కాదని అంటున్నారు సోనూ సూద్. తన శక్తి మేర సాయం మాత్రం చేస్తున్నానని చెబుతున్నారు.

సోనూసూద్ ‘I Am No Messiah’ అనే టైటిల్‌తో ఆటోబయోగ్రఫీ రాసుకున్నారు. అంటే ‘నేను మహానుభావుడిని కాదు’ అనే అర్థం వస్తుంది. ‘‘ఐ యామ్ నో మెస్సియా పుస్తకాన్ని అందించిన సోనూ సూద్‌కు అభినందనలు. హీరోలు పుట్టరు, తయారవుతారని మీరు మరోసారి నిరూపించారు. సరైన సమయంలో మీరు అద్భుతంగా స్పందించి కొన్ని వేల మంది ప్రజలను ఆదుకున్నారు. మీ ప్రయాణం కచ్చితంగా స్ఫూర్తిదాయకం’’ అని చిరంజీవి ట్విట్టర్‌లో పేర్కొన్నారు. చిరంజీవి ట్వీట్‌కు సోనూ సూద్ స్పందించారు. ‘‘నాకెంతో ఇష్టమైన వ్యక్తి నుంచి ఇంత ప్రేమను పొందడం చాలా సంతోషంగా ఉంది. మీకు కృతజ్ఞతలు ఎలా చెప్పాలో అర్థం కావడం లేదు సార్. ‘యు ఆర్ ద బెస్ట్’ అని మాత్రం చెప్పగలను. మీరు ఈ పుస్తకం చదవడం పూర్తిచేసిన తరవాత మీరు ఇచ్చే ఫీడ్‌బ్యాక్ కోసం వేచి చూస్తున్నాను. హాయిగా చదవండి. లవ్ యు సార్’’ అని చిరంజీవిపై తన ప్రేమను చాటుకున్నారు సోనూ సూద్.


Share On

Leave a Reply

Your email address will not be published. Required fields are marked *

error: Alert: Content is protected !!