Share On

క‌రోనా వైర‌స్ మ‌న దేశంలో రోజురోజుకు త‌గ్గుముఖం ప‌డుతోంది. గ‌త కొన్ని రోజులుగా కొత్త కేసులు ప్రతిరోజు 20వేలలోపే న‌మోద‌వుతున్నాయ‌ని, గ‌డిచిన 24 గంటల్లో 15,968 పాజిటివ్‌ కేసులు నమోదైనట్లు కేంద్ర ఆరోగ్య శాఖ బుధవారం తెలిపింది. తాజా కేసులతో భారత్‌లో మొత్తం కేసుల సంఖ్య కోటి నాలుగు లక్షల 95 వేలకు చేరింది. కొవిడ్-19 బారినపడి దేశంలో ఇప్పటివరకు 1,51,529 మంది మరణించారు. మంగళవారం కొత్తగా 202 కొవిడ్‌ మరణాలు నమోదయ్యాయి. సోమవారం 12,584 పాజిటివ్ కేసులు నమోదు కాగా, గత కొన్ని నెలలుగా ఇంత తక్కువ కేసులు నమోదవడం ఇదే తొలిసారి. సోమవారంతో పోల్చితే మంగళవారం పాజిటివ్ కేసుల సంఖ్య కాస్త పెరిగినా, మొత్తం మీద వైరస్ వ్యాప్తి తగ్గుముఖం పట్టిందనే చెప్పవచ్చు. కొవిడ్- 19 నుంచి కోలుకొని మంగళవారం 17,817 మంది డిశ్ఛార్జి అయ్యారు. దీంతో ఇప్పటివరకు కోలుకున్న వారి సంఖ్య 1,01,29,111 మందికి చేరుకుంది. ప్రస్తుతం దేశంలో 2,14,507 యాక్టివ్ కేసులు ఉన్నాయి. మంగళవారం దేశవ్యాప్తంగా 8,36,227 కరోనా పరీక్షలు నిర్వహించినట్లు కేంద్ర ఆరోగ్య శాఖ తెలిపింది. కరోనా వ్యాక్సిన్ ఆయా రాష్ట్రాల్లో నిల్వ కేంద్రాలకు చేరుకుంది. జనవరి 16 నుంచి టీకా పంపిణీకి అంతా సిద్ధం చేశారు. దేశ ప్రజలకు ఇది మరింత ఊరట కలిగించేదే. ఐనా రెండు డోసుల వ్యాక్సిన్‌ తీసుకునేంత వరకు ప్రజలు అప్రమత్తంగా ఉండాలని, కొవిడ్ నిబంధనలను పాటించాలని కేంద్రం దేశ ప్ర‌జ‌ల‌ను కోరుతుంది.


Share On

Leave a Reply

Your email address will not be published. Required fields are marked *

error: Alert: Content is protected !!