జైలు సిబ్బంది క‌ళ్ల‌ల్లో కారం కొట్టి…

Share On

జైలు సిబ్బందితో న‌మ్మ‌కంగా ఉంటూ, ఒకేసారి హ‌ఠాత్తుగా జైలు సిబ్బంది క‌ళ్ల‌ల్లో కారం కొట్టి 16మంది ఖైదీలు జైలు నుంచి త‌ప్పించుకున్నారు. రాజ‌స్థాన్‌లోని జోధ్‌పూర్ ఫ‌లోడి జైలులో సినీఫ‌క్కీలో మాదిరిగా ఈ సంఘ‌ట‌న జ‌రిగింది. ఈ ఘటనపై ఆ రాష్ట్ర జైళ్ల శాఖ చర్యలకు ఉపక్రమించింది. సిబ్బంది నిర్లక్ష్యం కారణంగా నలుగురు అధికారులతో పాటు ఒక‌ కానిస్టేబుల్‌ను మంగళవారం విధులను నుంచి సస్పెండ్ చేసింది. మరోవైపు ఈ ఘటనను తీవ్రమైన చర్యగా పేర్కొంటూ డిపార్ట్‌మెంట్‌ దీనికి బాధ్యత వహిస్తుందని జైళ్ల శాఖ డీజీ రాజీవ్‌ దాసోత్‌ తెలిపారు. పరారైన ఖైదీలను పట్టుకునేందుకు స్థానిక పోలీసులు, ఎస్పీతో సంప్రదింపులు జరిపి గాలింపు చర్యలు చేపట్టామని వివరించారు. ఈ మేరకు జోధ్‌పూర్‌, బికనేర్‌ సరిహద్దులను మూసివేశామన్నారు. తప్పించుకున్న ఖైదీలను సుఖ్‌దేవ్‌, జగదీశ్‌, షోకత్‌ అలీ, అశోక్‌, ప్రేమ్‌, అనిల్‌, ప్రదీప్‌, రాజ్‌కుమార్‌, మోహన్‌, శరవన్‌, ముకేశ్‌, శివ ప్రతాప్‌, శంకర్, హనుమన్‌, మహేంద్రగా గుర్తించినట్టు తెలిపారు.


Share On

Recommended For You

Leave a Reply

Your email address will not be published. Required fields are marked *

error: Alert: Content is protected !!