హనుమకొండ: సహజ ప్రసవాల ప్రాధాన్యతపై ప్రజల్లో అవగాహన కల్పించడంతో పాటు, తల్లీబిడ్డల ఆరోగ్య పరిరక్షణ లక్ష్యంగా సొసైటీ ఆఫ్ మిడ్‌వైవ్స్, ఇండియా, ప్రభుత్వ నర్సింగ్ కళాశాల, హనుమకొండ సంయుక్త ఆధ్వర్యంలో ‘నేషన్‌వైడ్ వాక్ ఫర్ నేచురల్ బర్తింగ్’ కార్యక్రమాన్ని హనుమకొండలో నిర్వహించారు.

ఈ సందర్భంగా నిర్వహించిన అవగాహన నడకను హన్మకొండ జిల్లా కలెక్టర్ చాహత్ బజ్  , పోలీస్ కమిషనర్  శ్వేత జెండా ఊపి ఘనంగా ప్రారంభించారు. ఈ కార్యక్రమంలో వైద్య, నర్సింగ్ రంగాలకు చెందిన ప్రతినిధులు, నర్సింగ్ కళాశాల అధ్యాపకులు, విద్యార్థులు, మిడ్‌వైవ్స్, ఆరోగ్య సిబ్బంది తదితరులు పాల్గొన్నారు.

ఈ నడక ద్వారా సహజ ప్రసవాల వల్ల కలిగే ప్రయోజనాలు, గర్భిణులకు అందించాల్సిన నాణ్యమైన వైద్య సేవలు, ప్రసవ సమయంలో మిడ్‌వైవ్స్ పాత్ర, తల్లీబిడ్డల ఆరోగ్య సంరక్షణపై ప్రజలకు అవగాహన కల్పించారు.