వితంతు పింఛన్ మంజూరు చేయడానికి రూ.10 వేల లంచం తీసుకుంటూ పంచాయతీ కార్యదర్శి ఏసీబీ అధికారులకు పట్టుబడ్డాడు. కరీంనగర్ జిల్లా మానకొండూరు మండలం లక్ష్మీపూర్ గ్రామ పంచాయతీ కార్యదర్శి లావుడ్య చవాన్ లాల్ను శనివారం ఏసీబీ అధికారులు లంచం తీసుకుంటుండగా రెడ్హ్యాండెడ్గా పట్టుకున్నారు. ఫిర్యాదుదారుడి కోడలికి సంబంధించిన తెలంగాణ చేయూత (వితంతు పింఛన్) దరఖాస్తు ప్రక్రియ పూర్తి చేసి, పింఛన్ మంజూరు చేయించినందుకు ప్రతిఫలంగా కార్యదర్శి రూ.10 వేలు డిమాండ్ చేసినట్లు ఏసీబీ వెల్లడించింది. ఫిర్యాదుదారుడి నివాసంలోనే నగదు స్వీకరిస్తుండగా అధికారులు వలపన్ని పట్టుకున్నారు. లంచం సొమ్మును స్వాధీనం చేసుకున్నారు. నిందితుడిని అరెస్టు చేసి కరీంనగర్లోని ఏసీబీ ప్రత్యేక కోర్టులో హాజరుపరచనున్నట్లు తెలిపారు. కేసు దర్యాప్తులో ఉంది. ప్రభుత్వ ఉద్యోగులు లంచం డిమాండ్ చేస్తే ఏసీబీ టోల్ఫ్రీ నంబర్ 1064కు ఫిర్యాదు చేయాలని అధికారులు సూచించారు.
తెలంగాణ
వితంతు పింఛన్ మంజూరుకు లంచం.. ఏసీబీ వలలో పంచాయతీ కార్యదర్శి
© ముందడుగు. అనుమతి లేకుండా ఈ కథనాన్ని పునఃప్రచురించరాదు.
కామెంట్లు (0)
కామెంట్ చేయడానికి లాగిన్ అవ్వండి
లాగిన్ఇంకా కామెంట్లు లేవు. మొదటి వ్యాఖ్య మీరే రాయండి!