చైనాలోని షెన్‌జెన్‌లో జరుగుతున్న ఏపెక్ సదస్సులో రష్యా అధ్యక్షుడు వ్లాదిమిర్ పుతిన్ వెంట కనిపించిన ఒక నల్లటి బ్రీఫ్‌కేస్ అంతర్జాతీయంగా తీవ్ర చర్చనీయాంశమైంది. ఇది రష్యా అణ్వాయుధ కమాండ్ వ్యవస్థలో అత్యంత కీలకమైన 'చెగెట్' అని అధికారులు పేర్కొన్నట్లు అంతర్జాతీయ మీడియా నివేదించింది.అత్యవసర సమయాల్లో రష్యా అధ్యక్షుడు అత్యున్నత సైనిక కమాండ్‌తో నేరుగా సంప్రదింపులు జరిపేందుకు, అలాగే అణ్వాయుధ ప్రయోగానికి సంబంధించిన ఆదేశాలను పంపేందుకు ఈ ప్రత్యేక బ్రీఫ్‌కేస్ ఉపయోగపడుతుంది. అమెరికా అధ్యక్షుడు డొనాల్డ్ ట్రంప్, చైనా అధ్యక్షుడు షీ జిన్‌పింగ్‌లతో పుతిన్ కీలక సమావేశం జరుపుతున్న వేళ, ఈ అణు బ్రీఫ్‌కేస్ ఆయన భద్రతా వ్యూహంలో భాగంగా వెంట ఉండటం ప్రపంచ దేశాల దృష్టిని ఆకర్షించింది.